Point of View Msal3a

I've been away celebrating Hala Febrayer outside of Kuwait thank goodness :-)

رديت لقيت الدنيا قايمة ولغة طائفية تمرض!!!! شنو يعني شيعي وسني وسحبوا الجناسي وكلام يرفع الضغط؟؟ وين قاعدين؟

ليش مفروض على الشيعة إثبات ولائهم لوطنهم مرارا وتكرارا؟؟؟ عشان التكرار يعلم منو؟؟

هل فعلا إحنا تافهين لهالدرجة؟

ياخي مجموعة مؤمنة بأن مغنية مو إرهابي..ومو مصدقة علاقته بالجابرية...ومقتنعة إنه شهيد وشخص جيد....كيفهم!!!!!!!!!! شكو الباقي؟

شلون تحول الموضوع من جذيه إلى ولاء لإيران وطز في الكويت؟

وين حرية الرأي والموضوعية وغيره من الكلام اللي نحب نردده... لكن مجرد ما نختلف صار الطرف الآخر بن كلب؟

ليش يفرض على الشيعة إثبات دورهم في الغزو؟

زين والحساوية وينهم؟

والزباره شلون؟

والجناعات؟

والنيادة؟

والكنادرة؟

نعتذر عن أي طائفة سقطت سهوا

ليش الشيعة بالذات؟؟

يعني ولودي يمدح في بن لادن والظواهري محد قال له ولائك لطالبان؟؟؟؟؟؟؟؟؟؟؟؟؟؟؟؟؟

ما قصروا المدونين في تغطية الموضوع أحسن مني..ماني مطولة...بس وايد محترة

كلام كلام... بسنا حكي

بعد الندوة الثانية لدعم التعليم المشترك.. لاحظت التالي

الحضور يزيد ما ينقص

الكثير من الطلبة والأكثر من أولياء الأمور....رغم الجو وتغيير المكان والوقت إلا أن الحضور في الخريجين كان يونس

لكن يزعجني الخطاب الديني.. لازم نبطل نتكلم عن حلال وحرام لأن قضية الاختلاط محسومة..وما المفروض ينساق الخطاب إلى الفتاوي التي تؤيد الاختلاط وإلى حجة "الحج والمسجد" لأنها تنزل مستوى الطرح

خلينا من موضوع المشاكل الأكاديمية والمصاريف المرتبطة بفصل التعليم ومنع الاختلاط...فهذا أيضا ليس موضوعنا

موضوعنا باختصار..هو لا للوصاية الفكرية..لا للدولة الدينية...لا لسعودة الكويت...ونعم للدولة المدنية

لذلك رأيي هو أن يركز المتحدثين على تعرية أجندة المتأسلمين: فغرضهم الآن أو غدا أو بعد الغد هو تغيير المادة الثانية

شبيغيرون؟

يبون الشريعة المصدر الوحيد للتشريع وليس مصدر للتشريع

شنو الفرق؟

مصدر للتشريع معناه أن الشريعة أحد المصادر التي تستند عليها القوانين...المصادر الأخرى هي الدستور والاستراتيجية ....إلخ

المصدر الوحيد يعني لا للدستور...لا للديمقراطية...نعم لنظام الدولة الإسلامي...نعم لنظام الخلافة الإسلامية...يعني سودان البشير..يعني طالبان...يعني باي باي كويت...باي باي صباح

إذا تكلم المخاطبون في هالموضوع، يمكن يقدرون يحرجون الحكومة ويضغطون عليها

مهمتهم توعية الناس والضغط على الحكومة

ومهمتنا؟

أكشن!!!!!! لازم نتحرك... فماذا بعد حضور الندوات؟

نبي ضغط على المتأسلمين...نحضر ندواتهم

نبي ضغط على مجلس الوزراء...عريضة مثلا يوقع عليها أهل الكويت

نبي نكلم الأمير...نرفع له الرغبة الشعبية

نبي نحرك الإعلام الخارجي والأمريكي تحديدا...فهم يحبون هالسوالف

أخيرا

I came across this blog thanks to bo9ali7… it’s worth checking out

Change of moods:

للي ما يعرفه.. وما يدري قديش أحبه..وليه أحبه

شوفوه

الاحتفال حرام شبتحرم بعد؟؟

أعياد الميلاد؟

anniversaries?

هلا فبراير؟

العيد الوطني؟

إذا عندك حساسية من كلمة عيد أو احتفال...نعطيك دوا حساسية

زين نغير الكلمة يا أخي... شلون

celebration?

أنت اللي عطيت نفسك الحق تشتم فينا وفي أخلاقنا وفي مبادئنا وتحلل وتحرم على كيفك... تستاهل كل اللي ينقال عنك

PS. my artistic abilities are lousy... but it was worth a shot

صلعنا وما غدا الشر


أشوف مو عاجبكم اقتراح علي الراشد وإلغاء منع الاختلاط؟؟؟ - أو المطالبة بالتعليم المشترك....سموها اللي تسمونها

جنه مو عاجبكم ولاية المرأة؟؟ وزارية أو غيرها؟؟

الشرهة مو عليكم!!!!! الشرهة على اللي مداريكم و "مطبطب" عليكم ...و يا دهينة لا تنكتين

يننتونا الله اينن مصارينكم ويحوشكم إسهال بنص الجلسة ويتم التصويت بدونكم

لكل ما سبق.... تم إعلان حزب المصلعين
حزب لا يخاف منكم ولا يهاب غيركم
حزب لا يهمه إرهاب ولا تكفير
حزب مطالبه كثيرة كثيرة.....وأهمها التالي

فصل الدين عن الدولة: ماكو موسيقى أذان في الراديو، ماكو وزارة أوقاف ولا زكاة إجبارية، ماكو تعليم دين في المدارس، ماكو صلاحيات غير محدودة للبنوك الإسلامية (لا و في ضرايب خاصة لهم بعد)، ماكو رمضان، ماكو نقل صلاة جمعة إجباري على التلفزيون، ماكو صلاة قيام في الميكرفون، ممنوع النقاب لأسباب أمنية، ماكو قانون ميراث ولا عدة ولا بيت طاعة، ماكو لجنة ظواهر سلبية ولا ثوابت للأمة ولا غيره، ماكو حجاب لأقل من 21 سنة. الديانة (أيا كانت) حرية شخصية تمارس في المنزل أو في بيوت العبادة كنيسة، مسجد كله واحد. عدم السماح بتواجد أكثر من مسجد واحد أو كنيسة واحدة في كل منطقة

إلغاء كل قوانين الرقابة: السمعية والمرئية والمطبوعات والفضائيات والانترنت...كلها ماميش. إلغاء القنوات الإذاعية والتلفزيونية والفضائية الرسمية ونقل ¾ الميزانية لمساعدة المتعسرين وربع الميزانية الأخير لدعم الشباب المبدع. ماكو أخبار الساعة 9 نصها راح فلان ويا علان والنص الثاني كذب. ماكو تصريح إصدار كتاب أو فيلم أو شريط أو ويب سايت أو بلوغ. ماكو خدش حياء ولا خرابيط مطاطية

السياحة: توفير الأماكن السياحية والحفلات بما فيها البارات والمراقص والكازينوهات والمنتجعات السياحية الحقيقية ومدن الملاهي وشواطئ العراة. واللي مو عاجبه لا يروح واللي يبي يروح وما يشرب لا يشرب. واللي يبي يشرب لا يسوق. واللي يبي سيارة يطلب تاكسي بدل ماهم تارسين الديرة على الطل. وهذا بالإضافة إلى إقامة المسارح الكبيرة لعرض حفلات الفنانين الكبار مثل شاكيرا وبيونسي أو مثل مرسيل خليفة....كل واحد يروح العرض اللي يعجبه

ممنوع وضع الملصقات أو البوسترات الدينية في أي مكان عام! "أذكر الله" على الطريق العام تنشال. "دعاء الركوب" في الأصنصير أو الطيارة... مو إجباري! إللي يبي يقراه يقراه في قلبه .. لازم كلنا نسمع؟

الحرية الشخصية مكفولة تماما: كل واحد يسوي اللي يبيه في بيتهم! اللي يبي يصلي كيفه..واللي يبي يحشش كيفه! اللي يبي يقرا قرآن حر..واللي يبي يطالع فيلم بورنو هم حر! محد له شغل الناس شتسوي في بيوتها...لأنها ما دام في بيوتها ما راح تؤذي أحد..ماكو كبسات ولا مباحث خاصة بهالأمور.. المباحث تركز في أشياء أهم لو سمحتوا

زواج الأقارب من الدرجة الأولى ممنوع تماما: كفاية تخلف وجينات معفنه وأمراض متوارثة مالها نهاية ...ولا ننسى الجكر! الجكر ذابحنا يا ناس

هذه هي ثوابت حزب المصلعين.... ولكم حرية الاختيار أو الإضافة

باب الانتساب مفتوح عالآخر

PS> Picture original uploaded by M Domondon

المؤسسين الأوائل حتى الآن

ولادة

ummel3yal

bad-ran

shorouq

حمودي

وضيف الشرف: العاصي

ضيف اللحظة الأخيرة

bo9ale7

العضوة القديرة

whitewings