شيخوخة
ظاهرة في ازدياد مريض
كل عمل شعبي يبدأ بشكل عفوي / تطوعي من قبل الشباب الكويتي.... تجي شيخة جديدة تسوي تيك أوفر عليه
مثال؟
مساكين حبايبي مجموعة الغوص نظفوا البحر والجزر وسووا حملات توعية على قدهم.... ردوا يسفطون الطراد لقوا أمثال الأحمد مرتزة تستقبلهم مع الصحافة و تتكلم بإسمهم
ظاهرة في ازدياد مريض
كل عمل شعبي يبدأ بشكل عفوي / تطوعي من قبل الشباب الكويتي.... تجي شيخة جديدة تسوي تيك أوفر عليه
مثال؟
مساكين حبايبي مجموعة الغوص نظفوا البحر والجزر وسووا حملات توعية على قدهم.... ردوا يسفطون الطراد لقوا أمثال الأحمد مرتزة تستقبلهم مع الصحافة و تتكلم بإسمهم
شوي شوي صارت شيخة البيئة
الشيخة الثانية اللي سوت تيك أوفر على جماعة مساندة لبنان -ماذكر إسمها لأن أول مرة أسمع فيها صراحة
غيرها وايد
المراد؟
فرق بين مساندة عمل شعبي/شبابي و تيك أوفر عليه
سياسة مشابهة لأسلوب سوزان مبارك.... عشان ما تقولون ما نتعلم من خبرات غيرنا
16 comments:
نجري
ايييييه غلطت بالإسم معلش
كله سلطة
ياريته ترزز بس!!! هذا تدمير منهجي للعمل الشعبي
خرشووونا
شركة النفط قررت تسوي محمية في البحر .. يتهم الشيخة اياها وسوت تيك اوفر جان يلغون المشروع هاهاها
اذكر ايام امريكا الشباب قرروا يسوون يونين بالجامعة حق الطلبة الكويتيين
و قعدوا يشتغلون و بالأخير قالوا حق واحد وياهم من عيال الشيوخ , دق عالسفارة خل يدعمونا بالفلوس
قالهم بس انا لازم اصير رئيس, قالوله ليش انت توك ياي و صغير
قالهم بس تدرون انا شيخ!
لوول
و هالسالفو متكررة بأماكن وايد و ما راح نخلص منها
طولوا بالكم
fuzz,
حتى النفط مايبيها لوول
ma6goog,
ماقول إلا: ماااالت على البامية
I think we should start a campaign to minimize the name "shaikh" at least to a minimum age/experience.
It's annoying to see a 7 year old surrounded by people telling him:
طال عمرك ماكوهاللعبة بلاي ستاشن بس أكس بوكس
كبسة على غرامين من المواد المخدرة, شيخ ورتبة هو الي كان يسوق الدورية وهو الي يصرح وتكون صورته كبيرة في الجريدة قاعد ورا المكتب
مصادرة كرتون بطول من السم الي مادري منو يشربه, شيخ ورتبة هو الي رفس الباب وقال "ايدك فوق يابن إ كلب" وهالمرة ولده الضابط الصغير كان مرافقه
مادري من كان يسوق الدورية
يحترق مبنى في اي منطقة في الكويت, يطلع لنا وزير او ضابط يكون شيخ ويقول ان الامور على ما يرام وتمت السيطرة على "الحريجة" واغلب الاحيان يكون مغتر وناسف نسفة شاب قطري ياي يقز بالكويت عام 1998 ب "رنج" عنابي .. وفوق هذا ما نشوف غير صورّه جدام المبنى المحروق وهو مبتسم وكأنه للتو أنقذ قطة كانت متواجدة في الطابق السادس تعش
والوصول الى الموقع هذه المرة كان بوسيلة النقل الجوي "الهيلوكبتري" فمحد كان يسوق الدورية
تصير مشاكل بالكهربا ومعاها تكون التعليقات "خرمس" لكن عقب ما الناس تنسى يأتي الشيخ من تصييفته في فرنسا ليصرح بأن العطل صلّح بمبلغ وقدره
يتخرجون عيال احدى مناطق محافظة العاصمة من الروضة, فما نرى الا عطف وحنية فلان من الشيوخ وهو يسلم على الاطفال خلال حفل تكريم أقامته جمعية المنطقة وهو برعاية الشاب اللطيف
وبعد كل هذا تسئلين ليش "فريال" و"امثال" مشتطات؟ اذا اخوان مريم من الملل مو عارفين شسوون, مريم شبتسوي
اهي بس بالعمل التطوعي !! بكل شي!!
شيوخ وشيخات .. كل مكان داشين ومسوين عليه تيك اوفر !!
بالفعل هي مشكلة !
temi,
lol maryam ma tadri wain alla 7a6ha!
ثور الله في برسيمه
fizo,
welcome back! I thought u joined the missing bloggers list!
تهقى شالسالفة زايد تعدادهم؟
حمدوا ربكم يا الكويتيين
شيوخكم وانتو الحالة وحدة
بيوتهم نفس بيوتكم
سياراتهم نفس سياراتكم
يهنونكم بالاعراس
يعزونكم بالمآتم بالمقبرة او العزاء
يقعدون معاكم بالدواوين حالهم حال غيرهم
مالهم تمييز عن غيرهم
واذا احد منهم اخطأ ما يعمم الخطأ عليهم كلهم
واكبر دليل على حب شعبكم لهم ما حصل بالغزو العراقي
يا جماعة التفتوا بره الكويت وشوفونا وحمدوا ربكم الف مرة
عسى الله لا يغير عليكم
anon,
change is good.
مهاوشجي
لا تزعل بابا
أشوة انك تخيلت الموقف
عباله باي ديفلت اهو رئيس
و تمتور
عجيب اللي ياي يقز بالرنج العنابي
لوول
ارفاااااانه
الحين قلة المواضيع حتى...تتطاوليين على أم الخير....الشيخه أمثال...الله يهداج هذه ياختي لها مواقف جبيرة أكبار الشوارب ما قدروا عليها..اذكرج ان جانج ناسيه...بالغزو ترى اعيالنا في المقاومه توسدوا على اضراعها من مجاريح ولا مصابين في الغزو وهي تطببهم وهي عارفه انها مستهدفه من الكواووله العراقيين بس ماهانت عليها الكويت واعيالها هذه وحده ، والثانيه ...طلعوها بالغصب من الكويت ايام الاحتلال بشهر اثنعش .... ولو تبي شهره جان اكتب مذكراتها بالحرب حالها حال غيرها من الي كتبوا تحت عنوان لتوثيق الحقائق!!! والثالثة.. فريق الغوص الي اتحجيين عنهم لو ما هي معاهم أتهايل بالشموس ان جان ببحر في تنظيف الشواطئ ولا المحميات البحريه ولا بالبر ولعلمج وانتي عارفه زين لو ما وقفتها معاهم جان محد درا عن هوا دارهم وكل هذا العمل تطوعي وبدون مقابل وما دش بمخباتها مناقصه وغيره مثل الي خبري خبرج اذا ماعطووه بنبع المجلس!!!....وبعدين هي بنت المرحوم الله يغفر له الشيخ احمد الجابر واخت امير القلوب المرحوم ابونا جابر والاميرنا الحالي الشيخ صباح وما تحتاج الى الشهره والبهرجه والمال مثل الي خبرب خبرج...والشيخه الثانيه الي تقوليين عنها الشيخه فريال زوجة وزير الخارجيه الشيخ محمد صباح السالم ووقفتها بموضوع الاعانات الخاصه بالابنان وقفه لها مردود ايجابي سياسي حق دولتنا الحبيبه الكويت....وهي ماهي بحاجه الى شهره لانها معروفه من بنته ابوها المرحوم الشيخ دعيج السلمان الصباح وهو نار على علم وجزاها الله الف خير وجعله بميزان حسناتها.
الزبده الحين ان تتطرقج لهذا الموضوع بهذا الأسلوب المجحف هو دعووه للفتنه واللهم فكنا من شر الفتنه ويتتم علينا اشيوخنا واهل ديرتناولا يغير علينا الا بالخير مثل ما قال الاخ مادري الاخت (المجهوله) قبلي
المهم اتقي ربج بالي تقوليينه وتطرحينه...لان يا وخيتي الدنيا دين وحساب.. وعلى قولة المثل " ما تعرف إقديري إليما تجرب غيري " والي مو عاجبته الكويت يقط جنسيته ويروحي كندا ولا غيرها يعطوون جناسي على افا من يشيل
وللعلم انا مالي فيهم لا من قريب ولا من بعيد ...بس علقة من منطلق " ان الساكت عن الحق شيطان اخرس" المهم شوفيلج احد ثاني تنقدين عليه...ابرك لج ياختي والله الهادي.
فيززز
الله يهديك انت الحين المغبوط على العقل والثقل هالشكل هي ردودك؟؟؟ على الخيل يا شقرا....الله يهديك بدل ما تطفي نيران الفتن تزيد النار حطب....حسبي الله على ابليسك والله المستعان ولا حوله ولا قوه الا بالله
قرفانة
بأدافع!!! مو بس أنتي تدافعين عن حزب الله
:R
الشيخة الأولى خليها ما عليّ منها
بس الثانية يا ريت كل الشيخات مثلها أدب وعلم وثقافة وجمال وإحاطة بالبرتوكول...الحقيقة
very presentable
والموضوع دولي فكان دعمها في محله
حالها حال الملكة رانيا مالت الأردن
وفي الحديث عن الملكة رانيا إليكِ
معلومة ظريفة عن إحدى خريجات ثانويتنا الغير عادية
إخت صديقتي-من خريجات نفس الثانوية- كانت تحب طالب في كلية الطب
هذا الطالب لم يكن يبادلها نفس الشعور
كان يحب رانيا قبل لا تصير ملكة
أم الطالب ما رضت قالت له: ما تاخذ فلسطينية لو على قص رقبتي
تركها
فصارت ملكة
هذي النهايات السعيدة وإلا بلاش
أم الحفيز
الله الهادي والدليل
عيب تعب وتضحيات هالشباب كلهم (مقاومة وغوص وغيرها) تتهمش ويصير التركيز على أحد ماله شغل بالموضوع وداخل "بالقوترة" مثل ما نقول
ورجاء
شغلنا ننتقد البلد لأن قلبنا عليها
عكس "أمثال" اللي يقولون الله لا يغير علينا
بدون تغيير ماكو تطوير
ولادة
يا إن قلبك أسود ياختي هاهاها
دافعي يما مو مشكلة
الفكرة إنها ظهرت متأخر عقب ما خلصت الحرب تقريبا
القصد العام مو الهجوم الشخصي على هالناس كثر ماهو هجوم على "تحجيم" العمل الشبابي /الشعبي/ التطوعي
مجموعة وفاء والا شباب الغوص والا غيرهم... بادروا... تعبوا وضحوا
ليش يغطون عليهم بشيخةعقب ما صار لهم إسم وصدى؟
ولادة
وحشة حلوة ونستيني لووول
سلام
بعد اذن صاحبة المدونة ...بس الكلام اللي انقال بايخ من :
اللي اسمها ام الحفيز شكلها من اللي ياخذون فلوس ويهوسون بكل مناسبة
من قال ان النقد لازم يتحول لطعن وفتنة ؟؟؟
لا تصيرين مثل بعض الناس اللي عسى ما قالو عن شيخ دين الا طلعوله ناس مثلج وشرواج وقالو لا تتهجمون على الدين !!
اقول ركدي وفهمي السالفة عدل والناس حقهم بالنقد محفوظ قانونا ودستورا واذا مو عاجبج انتي روحي قطي جنسيتج وسكني بعبادان
تحياتي
Post a Comment