ملاحظة: عفية عليهم بهالفتاوى اللي لهت الناس عن البشير والعمال وكل مشاكلنا الدنيوية... وركزوا على المشاكل الدينية...وايد أهم

نزيهة يا قبس

بطلت أقرى القبس بشكل يومي لسبب مهم جدا
شدعوة جريدة فيها 80 و 100 صفحة؟؟؟
ثقييييييلة
خبر بالصفحة الأولى تكملته على صفحة 73!!!! مبالغة والا يتهيأ لي؟
زين ليش ما يقسمونها أجزاء مثل عمامنا الخواجات؟؟ وايد أريح

طبعا هذا لا يمنع اني أقراها لما أفضى... وبالذات إن من كم يوم كانوا حاطين أسعار سلة الغذاء الكويتية وشلون ارتفعت من 2007 إلى 2008
واللي يعرفني يعرف هوسي بالقوائم... فقعدت أتمقل بما تعتبره القبس سلة الغذاء الكويتية

للتكبير.. قول الله أكبر.. أو إضغط هنا

إلى أن تفاجأت بأن القائمة فيها "كومبليتا" مبيض القهوة
كومبليتا هذا تعرفت عليه في مصر.... واكتشفت إن كورنيش أسوأ ما أنتج من الكوفي ميت
هذا ليش طول عمري أشرب قهوتي بلاك ؟؟
المهم رديت ودورت كومبليتا في جمعيات الكويت ومركز سلطان.... ما لقيته
بس القبس لقوه ما قصروا
ويعتبر من أساسيات السلة الغذائية الكويتية؟؟؟؟؟؟؟؟؟
ما علينا.... زين بامية الأهرام هذي اللي يشترونها الكويتيين؟؟؟ صج؟؟
أما باجي القائمة.. ففيها أسعار مشلوطة
والله يهداك يا آل غور ووهم الاحتباس الحراري وخرافة الوقود العضوي
العيش صار نار نار نار

نداء للقبس: دلونا على كومبليتا يسلم عمركم... فالقهوة من تركت القاهرة ... ناقصة