شخبط شخابيط

قبل أن أشارككم هذه المحاولة، كنت قد كتبت 77 مبرر حتى ترحموني بالنقد. بعدين قلت خلاص، مش مهم، زي ما تيجي تيجي

غير كده، نقبل كل أنواع النقد، أو البطاقات الإئتمانية، أو الشيكات السياحية، بس والنبي بالدولار

So here you go, please read it in Egyptian (well, as well as you can)

غصة قلبي ... فراق


أخسرك ماخسركشي
مش هو ده السؤال
عايزاهم يعرفوا
من طنطا إلى بولاق
عينيك اللي بتاخدني.. لأ تاكلني
في الزقاق

خلي الناس تشوفنا وتفتكر أول خيبتهم
يقولوا "حلاوتهم...
حبّيبة بتوع زمان"

مش لازم أصرخ أقول يا معشر الناس يا هوه
نظرة منك
وابتسماتي
وجنونك اللي آسرني
باين ماتخبّيهوش

سيبوني يا ناس معاه
إملوا قلبي غصة حب حلوة
والا أقولك... خلاص سيبوه

سيبونا نلعب
سيبونا نحلم
لربَّ نفهم.. أو بلاش

سيبونا نتعلم من غلطنا
أصل الغلطة شخصية جدًا

بلاش محاضرة في اللي ينفع
واللي ما ينفعش إذن

لكل واحد
ولكل حب
ولكل "ينفع"... زمن

هتقولولي في مشاكل، في بلاوي وفي محن

هاقولك ماشي ياسطى
يعني الدنيا دي حلوة جدا؟
والحمد لله بنشتغل؟
لاهي ناقصة حب غاوي
ولا أغاني سي حسن؟
بلاش "مشاكل" تخلي القلب يرفرف
ويطير فينا لعدن؟

مقولشي غير "أحّا" يا وقت خايب
يا بهايم من غير أبًا

عاش حبي لكل حالم
ولكل حبٍ إتركن

حسن وطّى باس نعيمة
ونعيمة طارت مع حسن