مووووووووووو طبيعـــــــــــــــــــــــــــــي

فرحتي أكبر من أن أعبر عنها بالكلمات

أبي أرقص وأصفق وأيبب ليـــــــن أتعب....وكأن كل اللي سويته امبارح ما كفاني

أبي ألم ربعي وأهلي وأحببهم لين يفهمون شكثر فرحانة.... فيهم ولهم

أسيل، رولا، معصومة، سلوى، وذكرى..... فرحتي فيكم مو طبيعية

لكنك يا أسيل لك مكانة خاصة في قلبي

أسيل... كان ودي أمس أشيلك على كتوفي وأركض فيك مثل الياهل... إنتي و

كل شباب وشابات الحملة

كل المدونين اللي كتبوا عشانك

كل من بعث رسالة أو أجرى اتصال

كل الناخبين اللي صوتوا لك

كل عيالنا اللي ناقزوا من الفرحة كل ما شافوا صورتك وصرخوا: خالتي أسـيــــــــــــــــــــــــــــــــــــــــــل

مشكوريـــــــــــــن كلكم لأنكم رديتوا لي الأمل

أحلى حملة على الإطلاق

مهما تكلموا، مهما تقولوا، مهما لفقوا، مهما غاروا.... وآآآآآه من غيرة بعض الناس

ظلت هالحملة نظيفة، طبيعية، شفافة، وجميلة... رغما عن هذيلاك جميعا

وللكلام بقية أكيد

بس لما أطخ وأرد لكم